Sinabawang Kinhason

Tam-is ang sabaw ug lami kaayo, maong paborito jud nako ning sinabawan nga kinhason. Higop na ta mga higala :-), ug ingon pa sa akong lola makapabaskog jud ni :-).
Unsay tawag ninyo ani nga kinhason?


Mga Sagol:
1 kilo kinhason
1 sibuyas
3 tasa tubig
1 kutsarita luy-a (strips)
1 tasa kamunggay
sibuyas dahon
asin

Pamaagi sa pagluto:
1. Pabukalon ang tubig kauban sa sibuyas ug luy-a. Ilunod ang kinhason, padayunon lang sa pagpabukal sulod sa lima ka minuto para maluto, tilawi unya timplahi ug asin.
2. Ilunod ang kamunggay ug dahon sa sibuyas, pwede na haunon.
3. Manghigop na tag sabaw mga higala.